Филармония тарихы

СЫР ЕЛІНІҢ ӘН ШАҢЫРАҒЫ

 Бүгінгі күні «Сыр елі – жыр елі» деген киелі тіркестің жүгін сырбойылық әрбір өнерпаздың үлкен жауапкершілікпен арқалап келе жатқаны қуантады. Сыр еліне тән мақамдарды көмейіне қондырып, көрерменінің ыстық ықыласына бөленіп жүрген дәстүрлі орындаушылармен қатар эстрада жанрын терең меңгеріп, бүгінгі тыңдарманның талғамына сай жеткізіп жүрген әншілердің де орны бөлек. Қайбір республикалық, қала берді халықаралық байқауларда шашасына шаң жұқтырмай, жүлделі орындарды қанжығасына байлап, Сыр елінің атын төрткүл дүниеге паш еткен өнерпаздармен мақтануға болады. Сондай өңірдегі өнерлі орданың бірі – Қызылорда облыстық филармониясы.

 Облыстық мемлекеттік филармонияның іргетасы осыдан қырық жыл бұрын 1972 жылы 16 қарашада Қазақ ССР Мәдениет министрлігінің бұйрығымен құрылған. Алғашқы жылдарда сазгер Тәңірберген Қалауов басшылық жасап, сол тұста «Сыр күмбезі» фольклорлық ансамблі, «Ақтолқын» эстрадалық ансамблі жұмыс жасайды. Фольклорлық ансамбльге белгілі жыршы-термеші Ақмырза Тұяқбаев, әнші Фатима Төлегенова, ал эстрадалық ансамбльге Қиынбай Сақтағанов жетекшілік еткен. Ұзақ жылдар бойы филармонияның бас администраторы болып Сәнжан Асылбекова қызмет атқарған. 

Толығырақ...

ТАЛҒАТ БАҚЫТБЕКҰЛЫ МАҚАШОВ

Makashov

Облыстық филармонияның  директоры

Қызылорда қаласында туған (19.02.1974 ж.). 1996 жылы Қорқыт Ата атындағы Қызылорда мемлекеттік университетінің музыка-педагогикалық факультетін бітірген. Еңбек жолын 1996-1997 жылдары №4 әуез мектебінде мұғалім болып бастап, 1997-2002 жылдары Қызылорда қаласы әкімдігінде маман, жетекші маман, 2002-2004 жылдары қалалық мәдениет және тілдерді дамыту бөлімінің бастығы, облыстық мәдениет басқармасының бас маманы, 2006-2008, 2009-2011 сәуіріне дейін облыстық халық шығармашылығын дамыту және мәдени- продюсерлік орталығының директоры, 2008-2009 жылдары облыстық тарихи-мәдени ескерткіштерді қорғау мекемесінің директоры қызметтерін атқарды. 2009 жылы ҚР Мәдениет және ақпарат министрлігінің «Мәдениет қайраткері» белгісіне ие болды. 

Елбасының 2016 жылғы Жарлығына сәйкес Қазақстан Республикасы Тәуелсіздігінің 25 жылдығына орай "Қазақстан Республикасының Тәуелсіздігіне 25 жыл" мерекелік медалімен наградталды.

2011 жылдың сәуір айынан бастап облыстық филармонияның директоры.

АЗИЗА ГАЖДЕНБЕКҚЫЗЫ ІЗДІҚҰЛОВА

Директордың орынбасары

Aziza apaiҚызылорда облысы, Сырдария ауданы, «Октябрь» (қазіргі Қоғалыкөл ауылы) совхозында 1973 жылы дүниеге келген. 1995 жылы Қызылорда музыкалық училищесінің хорды дирижерлау мамандығы бойынша бітіргеннен кейін еңбек жолын МИС поселкасының балабақшасында көркемдік жетекші қызметінен бастаған. 1995-1996 жылдары ауылдық мәдениет Үйінің директоры, Сырдария аудандық мәдениет Үйінің әдіскері, осы мәдениет Үйінің көркемдік жетекшісі, қалалық мәдениет Үйінің көркемдік жетекшісі, облыстық халық шығармашылығын дамыту орталығының әдіскері, мәдени-продюссерлік бөлімінің меңгерушісі қызметтерін атқарған. 2008 жылдан бастап облыстық филармонияның көркемдік жетекшісі. Өз еңбек жолында жастарға арналған эстетикалық, мәдени тәрбиесі мол жобаларды жүзеге асырған. Ол «Бұрымды ару», «Аяжандар аруы» байқаулары, «Топи-топ» бүлдіршіндер конкурсының (қазіргі таңда «Бал бала» атымен өткізіліп келеді), облыс көлемінде өткізіліп жүрген мәдени көпшілік іс-шаралардың сценарист-режиссері болып танылып келеді. Облыстық филармония жұмысының көркемдік деңгейін арттыруға өзінің сүбелі үлесін қосып, филармонияның шығармашылық іс-қағаздарын жолға қоя білді. Ұтымды репертуар таңдау, концерттердің сапасын арттыру, гастрольдік сапарларды ұйымдастыру, ақылы қызметті орындау, филармония әртістерінің шығармашылығын шыңдау, әр түрлі жанрдағы концерттерді көбейту сияқты мекеменің негізгі қызметін анықтайтын міндеттерге үлкен жауапкершілікпен қарап, талғампаздықпен орайластырып отырады.

Толығырақ...

Сәбит Орынбасарұлы Ноғайбаев

Sabit

                                                                     Директордың орынбасары

1976 жылы Қызылорда қаласында туылған.1991 жылы Қызылорда музыкалық училищесін хор дирижері, 1996 жылы ҚМУ университетінде муз.пед факультетіне оқуға түседі.

2000-2003 жж. №2 Мұрагер орта мектебінде музыкалық жетекші, 2003-2005 жж. №173 орта мектеп директорының тәрбие ісі жөніндегі орынбасары қызметтерін атқарған.

2005-2010 жж. «Қазақстан-Қызылорда» телеарнасынында аға дыбыс режиссері болып жұмыс жасайды.

2008 жылы инженерлік-экономикалық институтын мұнай-газ өндірісін стандарттаушы және сертификаттаушы мамандығы бойынша бітірген.

2009 жылы Облыс әкімінің Алғыс хатымен марапатталады.

2010 жылы «Қазақстан-Қызылорда» телеарнасының бас режиссері қызметін атқарады.

2010 жылы «Қазақстан» Ұлттық телеарнасы «Серпін» экономикалық-сараптау бағдарламасы өткізген аймақтық байқауда Гран-при иегері атанады.

2016 жылы облыс әкімінің Құрмет грамотасы және алғыс хатымен марапатталған.

2016 жылдың маусым айынан бастап облыстық филармонияда директордың орынбасары қызметін атқарып келеді.

МӘДЕНИ ҚЫЗМЕТ ТҮРЛЕРІ

Кәсіпорын қызметінің негізгі түрлері:

   •    Шығармашылық ұжымдар мен жеке орындаушылар концерттерін ұйымдастыру, музыкалық – эстетикалық тәрбие жұмыстары және халық арасында музыкалық – ағартушылық жұмыстар жүргізу;

   ·         Классикалық музыка концерттерін, әр түрлі жанрдағы ойын-сауық бағдарламаларын жүргізу, жастардың рухани дамуы мақсатында шоу бағдарламалар ұйымдастыру;

  ·         Республиканың басқа аймағынан және шетелдерден әртістерді шақыруды жүзеге асыру;

  ·         Шығармашылық потенциалды жақсарту; 

  ·         Өнер туындыларын көпшілік алдында орындауға және көркемдік ұжымдар мен жеке орындаушыларды танымал етуге жағдай жасау үшін шаралар кешенін іске асыру;

  ·         Шығармашылық бағдарламар жүргізу және репертуар саясатын жүйелендіру;

  ·        Филармония қызметі аясында бекітілген прейскурантқа сай ақылы негіздегі қызметтерді жүзеге асыру;

  ·         Қазақстан Республикасының заңнамасымен тыйым салынбаған өзге де қызметтермен айналысу болып табылады. 

JSN Nuru template designed by JoomlaShine.com