КАМЕРАЛЫҚ ОРКЕСТР

0
189

Қызылорда облысы әкімінің 2014 жылға арналған іс-қимыл жоспарын жүзеге асыру жөніндегі жоспары бойынша Сыр елі мәдениеті тарихында тұңғыш рет Қызылорда облыстық филармониясы жанынан камералық оркестр құрылды.

Оркестр дирижері «Құрмет» ордені және «Мәдениет қайраткері» төсбелгісінің иегері К.Ботабаев, көркемдік жетекшісі – Анар Жаңбырбаева. Солистері С.Тасбергенова, Ж.Жүсіпов, М.Мақұлбеков, Ғ.Бекмұрзаев. А.Иманжаппаров. Оркестр – Ж.Әбдірашовты еске алуға арналған республикалық камералық оркестрлер фестиваліне қатысып лауреат атанды.

Қазіргі уақытта ұжым репертуарында 200-ден астам шығарма бар, оркестр құрамында 17 жоғары дәрежедегі білікті мамандар қызмет атқарады. 

2019 жылдың 16-27 ақпан аралығында Түріксой Халықаралық ұйымының шақыртуымен Босния-Герцеговина, Сербия, Венгрия мемлекеттерінде өтетін Түркі тілдес елдердің өнерпаздарының классикалық камералық оркестрлердің фестивалінде өнер көрсетіп қайтты.

Концертте оркестр Қазақстанның Еңбек сіңірген қайраткері, скрипкашы, профессор, композитор Анвар Акбаров пен түркиялық дирижер Севаль Кадыоглуның дирижерлауымен қазақ және әлемдік композиторлардың шығармаларын орындады. Сонымен қатар бағдарламада ЮНЕСКО-ның мәдени мұралар тізіміне енген Қорқыт атаның мұрасы қылқобызда Тұрмағамбет халық аспаптар оркестрінің әртісі А.Бегімсалова Қ.Шілдебаевтың шығармасы «Каракемерді» оркестрдің сүйемелдеуімен орындады. Бурса қаласындағы Ататүрк Мәдениет Орталығында алғашқы концертін берді. 19 ақпан күні Сараево қаласындағы Босния-Герцеговинаның ұлттық және университеттік кітапханасында (Vijećnica) екінші концертін өткізді.  Оркестрдің өнер сапары 22 ақпан күні Сербия Мемлекетінің Нови-Сад қаласында, 24 ақпан күні Будапешт қаласында жалғасты.

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь