Бүгін ширек ғасыр шегінде сұлу да сыңғыр үнімен сахна сандуғашына айналған әнші, "Мәдениет саласының үздігі" төсбелгісінің иегері Рауза Искакова Сыр халқына бенефис-концертін ұсынды. Көрерменге "Жылы жүздесу" атымен жақсы таныс дәстүрлі кештің кезекті шығарылымы әншінің өмірі мен шығармашылығына арналды. 

Бұл концерт репертуарына республикаға танымал композиторлар мен жергілікті сазгерлердің әсем әндерін жиған сыршыл әншінің өнер жолында халыққа ұсынған үшінші шығармашылық кеші. Ерекше форматта өрбіген бағдарламада  филармония әртістері әншінің бай шығармашылығынан әндер орындап, халықтың құрмет-қошеметіне бөленді. 

Концертте "Қорқыт сазы" қобызшылар ансамблі, Жетекшісі А.Бегімсалова, "Ақмешіт" фольклорлық ансамблі Жетекшісі Н.Нұрбай, "Томирис" және "Ai-Aru" би ансамбльдері, ҚР Мәдениет қайраткері, "Тұран" сыйлығының иегері Ү.Медеуова, "Тұран" триосы, "Мәдениет саласының үздігі" төсбелгісінің иегері
Э.Қалхожаева, халықаралық және республикалық конкурстардың лауреаттары Е.Садықов, А.Төреғали, С.Тасбергенова, М.Аманжолов, А.Маханбетжанова, А.Әбді, А.Қойшығара және Д.Қыдырбай, "Самғау" жастар сыйлығының иегері Ә.Шөжен өнер көрсетіп, ұлттық өнерді ұлықтаған талғампаз көрерменді әсем әндерімен сусындатты. 

Идея авторы және режиссёры — «Мәдениет саласының үздігі» төсбелгісінің және "Шеберлік шыңы" номинациясының иегері Азиза Издикулова.