ҚҰМЫРСҚАНЫҢ АЙЛАСЫ: БАЛАЛАРҒА БАЗАРЛЫҚ
2025-03-26
«27 наурыз – Халықаралық театр күні» қарсаңында Қызылорда облыстық филармониясы «Әдемі» балалар музыкалық театр-студиясы кішкентай көрермендеріне керемет тосынсый әзірледі. Бұл жолы ақылды әрі айлакер Құмырсқаның басынан кешкен шытырман оқиғасы суреттелетін «Құмырсқаның айласы» қойылымымен балабақша бүлдіршіндерін қуантып, ертегі әлеміне саяхат жасатты.
Балалар театрының көркемдік жетекшісі – Мәдениет саласының үздігі Құрманбек Боранбаев, режиссері – Ерғазы Әбжалиев.
Қаладағы бірнеше балабақшаға жоспарланған шығармашылық сапардың алғашқы күнінде өнер ұжымы «Хадиджа-1» бөбекжай балабақшасы жекеменшік мектепке дейінгі мекемесінде болып, ондағы бүлдіршіндерді өз өнерлерімен баурап алды. Қызықты әрі көңілді қойылым балаларға ерекше әсер сыйлап, олардың әдемі күлкісі мен қуанышының себепкері болды.