КЕН ОРНЫНДА МЕРЕКЕЛІК КОНЦЕРТ ӨТТІ
2025-03-20

Бүгін "ҚазГерМұнай" БК" ЖШС "Ақшабұлақ" кен орнында Ұлыстың ұлы күні — Наурыз мерекесіне арналған думанды концерт өтті. Мерекелік концертте облыстық филармония әртістері өнер көрсетіп, мекеме қызметкерлеріне ұмытылмас көңіл-күй сыйлады.
Отбасы мен жақындарынан жырақта қызмет атқарып жүрген кен орнының барша қызметкерлері бір сәт сергіп, өнер иелеріне қосыла ән шырқап, би биледі. Қасиетті Рамазан айымен тұспа-тұс келген мерекеде ауызашар дастарханы жайылып, қызметкерлер мен өнер иелері ұлттық тағамдардан дәм татты.