Ауыл... Мәре-сәре болған тұрғындар... Алтыбақан... Көкпаршылар таласы... Ұлттық ойындар алаңы... Қара қазанда бұрқ-сарқ қайнаған наурызкөже… Иісі қазақты түлеткен, қазақылықтың қаймағы бұзылмаған ауылда ерекше атмосферада өткен бұл думан нағыз мерекенің мәнін көрсетіп, маңызын айшықтап тұрғандай...

Мерекелік думанға облыстық филармония солистері ҚР Мәдениет қайраткері Үміт Медеуова, Мәдениет саласының үздігі Рауза Ысқақова, Гүлфира Әлиханова, Халықаралық және республикалық конкурстардың лауреаттары Бекзат Молдабергенов, Айдос Шадаев және "Ай-Ару" заманауи би ансамблі қатысып, ән мен биден шашу шашты.

Ауыл тұрғындары өнер иелерін құрмет-қошеметпен қарсы алып, кеш соңында шынайы ризашылықтарын көрсетті.