"АЙ-АРУ" ЗАМАНАУИ БИ АНСАМБЛІ КӨКТЕМНІҢ АЛҒАШҚЫ СЕНБІЛІГІНЕ ҚАТЫСТЫ
2025-03-15
Сырдың бас шаһары — еліміздің ең таза қалаларының бірі. Олай деуімізге негіз жоқ емес. Ерте көктемнен қала тұрғындары, жауапты мекемелер көркейту-көгалдандыру, санитарлық тазалық жұмыстарына кірісіп, аталған бағытта жыл бойына жүйелі жұмыстар жүргізіп келеді.
Осы ретте, әр сенбілікке белсенді қатысып, қала тазалығына үлесін қосатын мекемелердің қатарында облыстық филармония ұжымы да бар. Бүгін өнер ордасынының жанынан құрылған "Ай-Ару" заманауи би ансамблінің қыз-жігіттері көктемнің алғашқы сенбілігіне қатысып, қыстан енді тоңы жібіген көше бойына тазалық жұмыстарын жүргізді.
Қала тазалығы — ортақ міндет екенін естен шығармайық