Үстіміздегі жылдың 11-12 қараша күндері Түркістан қаласында ҚР Тәуелсіздігінің 30 жылдығына орай Түркістан облыстық мәдениет басқармасының ұйымдастыруымен республикалық «Түркістан дауысы» эстрадалық ән байқауында филармония әртісі Сарыбаев Қайрат өнер көрсетіп, жүлделі ІІІ орын иеленді.
Байқауға композитор, ҚР Мемлекеттік сыйлығының лауреаты, Төлеген Мұхамеджанов, ҚР еңбек сіңірген қайраткері, халықаралық ән байқауларының жүлдегері Маржан Арапбаева, «Мәдениет саласының үздігі», композитор, продюсер Қайрат Баекенов, композитор, ән өңдеуші Хамит Шанғалиев, халықаралық «Славян базары» фестивалінің гран-при иегері, әнші Рухия Байдукенова, эстрада жұлдыздары Айдар Тұрғанбек пен Жанар Дұғалова қазылық жасады. Сонымен бірге әлемге әйгілі опера әншісі Нұржамал Үсенбаева қонақ ретінде қатысып, жас әншілерге қолдау көрсетті.