Қайырымдылық пен мейірімді меңзеген шараларға атсалысып, дертіне дауа іздеген жандардың мейілінше маңынан табылуға тырысып, бағып келе жатқан Қызылорда облыстық филармониясы ұжымы балалардың көңіл қуанышына айналған Жаңа жыл мерекесін де назардан тыс қалдырмады. 24 желтоқсан күні филармония залында Жаңа 2020 жылды қарсы алуға арналған «Ғаламшар шыршасы» атты балалар ертеңгілігін қайырымдылық негізде ұйымдастырып, ертеңгілікке ерекше қажеттілігі бар 187 балақай қамтылды.
