әнші
1984 жылы 29 қыркүйекте Қызылорда облысында дүниеге келген. 2014 жылы Москва қаласының Останкино телеорталығында өткен «Золотой голос» ІІІ Халықаралық фестиваль-конкурсының І дәрежелі лауреаты атанды. Сондай-ақ, Қызылорда қалалық мәдениет және тілдерді дамыту бөлімінің ұйымдастыуымен өткен «Анаға қарап қыз өсер…» байқауына қатысып, қызы Айша екеуі ІІ дәрежелі дипломмен марапатталды. 2014 жылы Маңғыстау облысының 40 жылдығы, Жаңаөзен қаласының 45 жылдығы мерейтойлары аясында өткен «Атамекен» І республикалық патриоттық әндер байқауының ІІ дәрежелі дипломына ие болды. Репертуары өте бай. Қазақстан және шетел композиторларының әндерін шеберлікпен орындайды. 2018 жылы «Бейбітшілік әлемі» Халықаралық Қазақ Творчестволық Бірлестігінің «Мәдениет майталманы» медалімен марапатталды.
