"СЫРЛЫ САРЫН" ЛЕКЦИЯ-КОНЦЕРТІ ӨТТІ
2025-02-06

Бүгін Өнер мектебінің білім алушылары «Қорқыт сазы» қобызшылар ансамблінің «Сырлы сарын» атты лекция-концертіне қатысты. Ұлттық мәдениетіміздің алтын жауһарына айналған қобыз ғасырлар қойнауында халқымыздың қуанышы мен мұңын сырлы сарынымен жеткізіп келеді. Осынау миссияны мақсат еткен шарада ұлттық өнерімізді насихаттап қана қоймай, тарихи сәттерден сыр шертетін дала үнін жастарға тәлімдік тағылымы мол дүние ретінде дәріптеу болды.

Қоңыр үнді қобыз кешінде Ә.Қазақбаевтың «Қойлыбайдың қобызы», Б.Ақтайдың "Көктем сазы", Т.Жахиннің «Бабалар мекені — Алтай», Ықыластың «Жезкиігі», Халық әні «Бүлдірген», «16 қыз», Т.Шокеновтің «Жайсаң дала» атты шығармалары ойналды. Сонымен бірге, сыбызғы, жетіген, қобыз, сазсырнай, шаңқобыз аспаптарының шығу тарихы баяндалып, қатысушылар мол мәдени-рухани мәліметтерге қанық болды.