ТЕАТР ӘРТІСТЕРІНЕ АЛҒЫС ТАБЫСТАЛДЫ
2025-03-27
Сыр өңіріндегі театр өнерінің дамуына, балаларға арналған қызықты қойылым мен сапалы контент әзірлеуде «Әдемі» балалар музыкалық театр-студиясының орны ерекше. Облыстық филармония жанынан 2016 жылы құрылған балалар театры 10 жылға жуық уақыт өз шығармашылығы және өнерімен кішкентай көрермендерінің жүрегін жаулап үлгерді.
Көркемдік жетекшісі – Мәдениет саласының үздігі Құрманбек Боранбаев
Режиссері – Қазақ мәдениетінің қайраткері Ерғазы Әбжалиев
Бүгін – Халықаралық театр күні. Мерейлі мезетте өнер ұжымына салаға сіңірген еңбегі үшін Қызылорда облысының мәдениет, архивтер және құжаттама басқармасы басшысының арнайы Алғысы, ал театр әртістеріне облыстық филармония басшысы Талғат Бақытбекұлының Алғыс хаты табысталды.
Әріптестерімізді кәсіби мерекесімен тағы да құттықтаймыз