27 НАУРЫЗ — ХАЛЫҚАРАЛЫҚ ТЕАТР КҮНІ
2025-03-27
Бүгін — Халықаралық театр күні. Бұл күн театр қайраткерлерінің кәсіби мерекесі ғана емес, күллі өнерсүйер қауым үшін ұлы өнердің ұлықталар күні. Осынау бекзат өнер иелерін, киелі сахнаның құдіретін түсінетін сала өкілдерін және театр тарландарын кәсіби мерекемен құттықтаймыз! Сіздерге сарқылмас шабыт, шығармашылық табыс тілейміз!
Айта кетейік, Қызылорда облыстық филармониясы жанынан 2016 жылдан бері «Әдемі» балалар музыкалық театр-студиясы жұмыс істеп келеді. Театрдың қоржынында қазіргі таңда 30-ға жуық қойылым бар.
Театрдың көркемдік жетекшісі — «Мәдениет саласының үздігі» төсбелгісінің иегері Қ.Боранбаев, режиссері — «Қазақ мәдениетінің қайраткері» төсбелгісінің иегері Е.Әбжалиев. Бүгінде ұжым әртістері Н.Ибраева, А.Тоқмаханова, Ұ.Баянбаева, М.Алиханов, Қ.Әбжалиев және дыбыс операторы А.Әбілдаев саланың дамуы үшін аянбай еңбек етіп келеді.
Мереке құтты болсын, әріптестер????