Еске алу рәсіміне Қызылорда облысының мәдениет, архивтер және құжаттама басқармасының басшысы

Ж.Сейілов бастаған Сыр мәдениеті мен руханиятының өкілдері, өнер майталмандары, музыканттар мен талант иесінің туыстары және әнсүйер қауым арнайы қатысты. Шарада әнші ғұмырының келелі сәттерінен жылы естеліктер айтылып, ғұмырнамасының ғибратты тұстары қаузалды. Әнші репертуарынан әсем әндер орындалып, мағыналы шараның шырайын келтірді.

Ғұмыр кесесі ерте толған талант иесінің шығармашылығы ерекше музыка мен сырлы әуенге толы, оның қайталанбас дауысы мен ән орындау шеберлігі музыка мәдениетіне өзіндік қолтаңба қалыптастырды. Өнер тарланын үлкен де, кіші де қадір тұтты, жас та, жасамыс та әндерін жатқа айтты. Талант рухына жасалған тағзым жарқ етіп өткен жұлдыздың ән-ғұмырының мәңгілік екенін тағы да бір дәлелдей түсті...