Сыр елінің мәдени-рухани дамуына қосқан айрықша үлесі үшін Қызылорда облысының Құрмет грамотасымен облыстық симфония оркестрінің әртісі Анар Асанқызы марапатталды. Тұрмағамбет атындағы халық аспаптар оркестрінің әртісі Бағдат Рысдәулетұлына және «Ақмешіт» фольклорлық ансамблінің көркемдік жетекшісі Нұрғиса Жүрсінұлына, классикалық орындаушылар ұжымының әртісі Сымбат Зұлхарнайқызына аймақ басшысының қолдауымен әдебиет және өнер өкілдеріне арналған жүлде қоры 500 мың (бес жүз мың) теңгені құрайтын «Тұран» сыйлығы табысталды.

«Ақмешіт» фольклорлық ансамблінің әртісі Бақдәулет Әкімбекұлы ҚР Мәдениет және ақпарат министрлігінің «Мәдениет саласының үздігі» төсбелгісімен марапатталса, облыстық филармониясының концерт жүргізушісі Мөлдір Бахтиярқызына ҚР Мәдениет және ақпарат министрінің Алғыс хаты табысталды.

Сыр өңірі талай таланттар мен дүлдүлдер түлеп ұшқан қасиетті аймақ. Өнері мен руханияты осындай мәдениет майталмандары барда өміршең болары сөзсіз.

Марапаттарыңыз құтты болсын!