Қызылорда облыстық филармониясының «Ақмешіт» фольклорлық ансамблі Елбасы Н.Ә.Назарбаевтың «Болашаққа бағдар: рухани жаңғыру», «Ұлы даланың жеті қыры» атты бағдарламалық мақалалары аясында және Жастар жылына орай И.Әбдікәрімов атындағы аграрлық техникалық жоғары колледжінде концерт өткізді.
Концертте домбырадан күй төгіліп, өнерпаздар сахна төрінде ән шырқады. «Домалатпай», «Жыр бастау», «Арбакеш», «Бабалар мекені», «Балымша», «Аралдағы жеңеше-ай», «Қарай көзім» тәрізді әндер көрермен көңілін серпілтті.
Шара соңында колледж директорының оқу-тәрбие жұмысы жөніндегі орынбасары Бауыржан Сайдуллаұлы ансамбль ұжымына ризашылығын білдіріп, алғыс хат табыстады.
