Елбасының «Болашаққа бағдар; рухани жаңғыру» бағдарламасы аясында Н.Бекежанов атындағы музыкалық драма театрында «Ля-ля-фа» балалар мюзикл студиясы ашылып, мәдениет қайраткері, қаламгер Тілеген Бекарыстановтың «Таусылмасын ертегім» қойылымымен шымылдығын түрді. Талапты балалардың шығармашылығын шыңдаған қойылымның бас режиссеры – Оңталап Нұрмаханов. Ал қойылымның негізгі әртістері – балалардың өзі. Басты рөлдерде – Еламан Серікұлы мен Сезім Қаһарман.
Театрға көрермендердің лық толғаны соншалық, ересек балалар қойылымды тұрып тамашалады. Қала балабақшалары мен бастауыш сынып оқушыларына ерекше көңіл-күй сыйлаған студия ұжымына ата-аналар да шексіз риза. Қойылымда сондай-ақ «Томирис» би ансамблі, «Сыр сандуғаштары» балалар вокалды тобы, «Атамекен» отбасылық үлгідегі балалар ауылының өнерпаздары, «Ай-ару», «Балбұлақ» би топтары да өнер көрсетті.
Айта кету керек, облыстық филормания жанынан ашылған, Азиза Іздіқұлова жетекшілік ететін бұл жоба алда тағы түрлі шаралармен балаларды қуантпақ.
